Yekîtiya Ewropayê darvekirina 24 kesan li Sûriyê şermezar kir ku bi tohmeta şewitandina daristanan li navçeyên peravê, hatibûn girtin.
Berdevkê Fermî yê Karûbarên Derve yê Komisyona Ewropayê Peter Stano li ser hesabê xwe yê twitterê nivîsiye: "Em darvekirina 24 kesên bi terorê hatibûn tohmetbarkirin ku daristan şewitandine şermezar dikin. Yekîtiya Ewropa her dem û di bin her mercekî de, dijî cezayê darvekirinê ye, ev cezayê hovane, ne mirovane û bê rûmet qet rê li ber tawanan nagire."
Peter Stano got, Yekîtiya Ewropa kar dike daku cezayê darvekirinê li cîhanê rake û daxwaz ji Sûriyê kir ku tevlî arasteya cîhanî bibe ji bo nehiştina cezayê darvekirinê.
Agir di Îlona 2020an de bi daristanên parêzgehên Homs, Tertûs û Laziqiyê yên Sûriyê ketibû, bi sedan hektar dar şewitîbûn. Hikûmeta Sûriyê piştre 24 kes desteserkirin û ew bi wê yekê tohmetbar kirin ku bi qest agir bi daristanan xistine.