Komîsyona hilbêjar ya Weqfa Cemal Nebezî ji ber karên wê yên hînkirina zimanê kurdî, parastina mafê bingehîn yê zimanê dayikê û têkoşîna li dijî înkarkirina nasnameya kurdî Zara Mihemedî xelat kir.
Çalakvana ziman Zara Mihemedî bû yekem xelatgira Xelata Cemal Nebezî.
Di 21ê Adara 2023yan de Komîsyona xelatdayînê ya Weqfa Cemal Nebezî ragihandibû ku çalakvana kurdî Zara Mihemedî bûye xelatgira Xelata Cemal Nebezî.
Komîsyona hilbêjar ji ber karên wê yên hînkirina zimanê kurdî, parastina mafê bingehîn yê zimanê dayikê û têkoşîna li dijî înkarkirina nasnameya kurdî Zara Mihemedî xelat kir. Xelat li Berlînê bi merasîmekê hate pêşkêşkirin.
Jemal Nebez Foundationê li ser hesaba xwe Xê da zanîn ku Zara Mihemedî ji ber hinek egerên sîyasî nekarîye beşdarî merasîmê bibe ku şûna wê Kanî Mihemediyê xelat wergirtîye.
Li ser malpera Dezgeha Cemal Nebezî hatîye destnîşan kirin ku xelat du salan carekê tê dayîn.
Xelat di qadên weke politîka, qanûn, dîrok, zimannasî, huner, wêje, mûzîk, bîrkarî, bijîşkî û zanistên xwezayî da tê dayîn.
Zara Mihemedî kî ye?
Zara Mihemedî, dersdêra zimanê kurdî û Seroka Komeleya Çand û Civakî ya Nûjînê dema dersên kurdî dida, bi îdiaya ku “ewlehiya neteweyî binpê kiriye” hatibû girtin û 5 sal cezayê girtîgehê lê hatibû birîn. Ew di 10ê Sibata 2023yan de ji girtîgehê derketibû. (FD)
Çavkanî: Botantimes