Bêhtir ji 100 hezar kesî ji Qamişlo û Amûdê berê xwe dane gundê Elî Fero li wir Newroza xwe bi dilekî xweş derbas kir. Li bajarokê Hîmo yê ser bi gundewarê rojavayê Qamişlo, xelkekî zêde kom bûn û Newroza xwe pîroz kirin. Newroza Amudê, herwiha li gundê Dugirê yê başûrê wî bajarokê hate kirin. Li Kobanî jî dîmenên pîrozbahiyên Newrozê gelekî balkêş bûn.
Newroza Qamişlo û Amûdê, li gundê Elî Fero, ku li gorî dîmen û zanyariyên taybet bi Tora Medyayî ya Rûdawê, bêhtir ji 100 hezar kesî lê beşdar bûn û Newroza xwe bi dilekî xweş derbas kir.
Li Newroza li bajarokê Hîmo yê ser bi gundewarê rojavayê Qamişlo, ku bi dehên hezaran xelk tê de beşdar bûn û bi kêf û xweşî aheng û şahî hatin gerandin.
Newroza Amudê, herwiha li gundê Dugirê yê başûrê wî bajarokê hate kirin.
Her li gorî dîmen û zanyariyên taybet bi Rûdawê, li gundê Dirêcîkê yê ser bi bajarokê Tirbe Spiye jî, bi beşdarbûna bêhtir ji 150 hezar kesî Newroz hate kirin.
Li Navçeya Hellêq a ser bi bajarokê Girkê Legê jî, pîrozbahiya Newrozê bi awayekî berbiçav bû, ku bi şanazî xelkên wê navçeyê tê de aheng gerandin.
Li Kobaniyê, dîmenên Cejna Newrozê balkêş bûn, ku hejmareke gelek, ji beşdarbûyan, welatiyan şahiya Newrozê gerand.