Wezîrê Rewşenbîrî û Ciwanan ê Herêma Kurdistanê Hemey Hemeseîd di pêwendiyeke telefonî de kesayetê navdar û civaknas Îsmaîl Beşîkçî vexwende bajarê Helebceyê.
Hemey Hemeseîd di pêwendiya telefonî de rewşa tendirustiya Îsmaîl Beşîkçî pirsî û pesnê xizmetên wî yên nemir ên ji bo nasandina jiyana siyasî û dîroka tevgera rizgarîxwaz a Kurdistanê da.
Hemeseîd di pêwendiyê de Îsmaîl Beşîkçî vexwende Helebceyê, da ku serdana parêzgehê bike û ji nêz ve monumênta Helebceyê, navendên huner û rewşenbîriyê bibîne û serdana siruşta ciwan a Hewramanê bike.
Li hember vê vexwendinê, Îsmaîl Beşîkçî tevî spasiyê, kêfxweşiya xwe ji bo vexwendinê nîşan da û hêviya xwe anî ziman ku di derfeteke herî nêz de vê serdanê pêk bîne.