Wezîrê Derve yê Rûsyayê ligel şandeke bilind a welatê xwe gihîşt Iraqê û dê bi her sê serokatiyên Iraqê re bicive. Ji Duşemê ve civînên wî dest pê dikin û tê çaverêkirin, lihevkirin di navbera Bexda-Moskowê de bê îmzekirin.
Berdevkê Wezareta Derve ya Iraqê, Ehmed Sehaf roja Yekşemê 5ê Sibatê ji Rûdawê re ragihand, "îşev Wezîrê Derve yê Rûsyayê Sergey Lavrov bi serdanekê digihe Iraqê û şanda pê re ji kesên dîplomat, nûnerên kompanyayên petrol û gazê û hilberîneran pêk tê."
Sehaf got, "karê sereke yê Wezareta Derve ya Iraqê vekirina deriyê Iraqê di rûyê hemû dostan de û bihêzkirina peywendiyan ligel welatên derdorê ye."
Berdevkê Wezareta Derve ya Iraqê diyar kir, Lavrov sibe Duşemê çalakiyên xwe li Bexdayê destpê dike û dê bi Cîgirê Serokwezîr û Wezîrê Derve Fuad Hisên re jî bicive.