Wezîra Berevaniyê ya Almanyayê ya kabîneya nû ya hikûmeta federalî Christine Lambrecht, di duyemîn serdana xwe ya derveyî welat de, îro 9ê Çile hat paytexta Herêma Kurdistanê Hewlêrê.
Christine Lambrecht piştî pêşwazî û hevdîtina ligel Serokê Herêma Kurdistanê Nêçîrvan Barzanî, serdana baregeha leşkerên Alman a li Herêma Kurdistanê kir.
Lambrecht di civîneke rojnamevanî de kêfxweşiya xwe ji ber têkoşîna dijî terorê ya hêzên Pêşmergeyên Kurdistanê nîşan da û got, “Şerê DAIŞê bandorê tenê li herêmê nake, herwiha bandora wê li ser hemû cîhanê ango li ser me hemûyan çêdibe.”
Wezîra Alman bal kişand ser ku hîn şerê dijî DAIŞê bidawî nebûye, wê piştevaniya bo hêzên Pêşmerge berdewam bike: “Ji ber ku geşedanên li herêmê bandorê li Almanyayê jî dikin. Divê bi eşkereyî em bibêjin ku hîn şer bidawî nebûye û gefa DAIŞê xelas nebûye. Helbest serkeftin hatin bidestxistin, lê hê jî encama dawî nehatiye standin.”
Lambrecht destnîşan kir ku ew dê wekî Almanya heta tekbirina heta hetayî ya DAIŞê beşdarî wê têkoşînê dibin û got, “Di vê serdanê de hevdîtinên min ên girîng çêbûn. Gelek agahiyên girîng ên fêr bûm û bi xwe re bibim Almanyayê hene.”
Rûdaw