Piştî helwetên nijadperestên Tirk ên li dijî rêberê Kurd Şêx Seîdê Pîran, ciwanên Kurd wêneyên mezin Şêx Seîd li gelek bajarên Bakurê Kurdisranê dadileqînin, vê carê jî li bajarekî Tirkiyeyê daliqandin.
Ji ber bêrêziya ku hem di qada siyasî û hem di qada civakî ya Tirkiyeyê de li dijî Şêx Seîdê Pîran hat kirin, gelê Kurd li her dera cîhanê bû yek deng û li navê Şêx Seîd û pêşengên Kurd xwedî derketin.
Piştî Diyarbekir û Êlihê, Şornexê, vê carê wêneyeke mezin a Şêx Seîd bi Kelaha Tophane ya bajarê Bursa yê Tirkiyeyê ve hat daliqandin.
Şaredariya Bajarê Mezin a Diyarbekirê roja 6ê Berçile dîmenên xebatên Bulwara Şêx Seîd li tora xwe ya civakî parve kirin. Piştre alîyên komenîst û nîjadperest ên Tirkiyeyê bêrêzî li hember Şêx Seîd kirin.
Wek nerazîbûnekê li hember vê bêrêziyê, wêneyên Şêx Seîd bi cihên diyar û berçav ên bajaran ve tê daliqandin û ev helwest di nav ciwanên Kurd de wekî pêlekê belav dibe.