Cenazeyê Welatperwera Kurd, hevala me Halîde Dundar roja çarşemê, 05.07.2023yê , li Amedê, li nav Mezelên Yenîkoyê hate veşartin.
Li gel malbata Halîde Dundar, rêvebir, endam û alîgirên PAK, TDK-TEVGER, PSK, HAK-PARê û dezgehên sivîl û sîyasetmedar, rewşenbîrên Kurd, nas, dost,heval, eqraba û hezkirîyên Halîde Dundarê beşdarî merasîma veşartina cenazeyê Halîde Dundar bûn.
Li ser mezel, hevalên Halîde Dundarê, Rahîme Kesîcî Karakaş û Methîye Ozhal Azbay di derbarê jîyan, têkoşîn û xebata Halîde Dundar da û dema wê ya di Zîndana Dîyarbekirê da azaftin kirin.
Hevala me, keça Kurd Halîde Dundar bi tilîlîyan ve hate oxir kirin.
Halîde Dundar roja 3yê temûzê li Stenbolê ji ber nexweşîya xwe koça dawî kir.
05.07.2023
Buroya Çapemenî û Ragihandinê ya PAKê