Welatê Swêd ku di mijara endamtiya NATOyê de, bi sedema piştgiriya bo YPG/PYD û HSDê rûbirûyî nerazîbûn û vetoya Tirkiyê bûye, biryar da piştevaniya xwe ya bo HSD û Rojavayê Kurdistanê berdewam bike.
Hat ragihandin ku Serokwezîra Swêd Magdalena Andersson, bi parlamentara Kurd a welatiya Swêd Amineh Kakabaveh, li beramber piştevaniya bawerîdana hikûmetê li hev kiriye.
Hêjayî gotinê ye, di dengdana doh 7ê Hezîranê ya baweriyê de, parlamentara Kurd dengê ‘bêlayan’ bikar anîbû û bi 1 dengî rê li ber destkişandina wezîrê dadê û hilweşîna hikûmeta Swêd girtibû.
Li aliyê din Tirkiye bi hinceta ku Swêd piştevaniya PKKê ango PYD/HSDê dike, gefa vetokirina serlêdana NATOyê li Swêd xwaribû ku di hevdîtinan de jî ti encamek denketibû.