Nûnerê taybet ê Sekreterê Giştî yê NY li Iraqê daxwaz ji welatiyên Herêma Kurdistanê kir ku biçin ser sindoqên dengdanê û dengê xwe bidin. Tekez jî kir jî, ew bi komîsyonê re hevkariyê dikin, ji bo hilbijartinên Parlemantoya Kurdistanê “azad, dadmend û zelal” bên bikin.
Nûnerê Taybetî yê Sekreterê Giştî yê Neteweyên Yekbûyî (NY) li Iraqê Mihemed Hesen peyameke vîdyoyî derbarê şeşemîn xula hilbijartinên Parlamentoya Herêma Kurdistanê belav kir.
Hesen got: “Gelê Herêma Kurdistanê rojên În û Yekşemê dê biçin ser sindoqên dengdanê û mafê xwe yê hilbijartina nûnerên xwe bo parlamentoya dahatû bikar bînin.”
Amaje bi wê jî kir: “Hilbijartin dê demokrasiyê xurtir bike û bîrokeyên nû bigihîne saziyên Herêma Kurdistanê, ji bo bersivdayîna pirsgirêkên gel. Ev hilbijartin di rêvebirina Herêmê de qonaxeke girîng e.”
Herwıha got: “Herêma Kurdistanê ya niha, cuda ye ji ya berî 10 salan, ez bi pêşkeftin û geşepêdana niha pir sersam im, ez bawer im ku hîn kêşe li pêş Kurdistanê hene, lê Kurdistan li ser rêya rast e û ber bi paşerojeke baştir ve diçe.”
Nûnerê Taybetî yê Sekreterê Giştî yê Netewên Yekgirtî li Iraqê daxwaz ji nêzîkî sê milyon dengderên Herêma Kurdistanê dike ku “herin ser sindoqan û deng bidin”
Herwiha got: “UNAMA bi rêya pisporên xwe, tîma teknîkî û hilbijartinan alîkariya komîsyonê dike û hevkarên navdewletî çavdêriya proseyê dikin. Hêvîdar in hilbijartin bi serkeftî bê lidarxistin.”