Li gor lêkolîna Konfederasyona Sendîkayên Karkeran a Tirkiyê (Turk-Iş) li Tirkiye û Bakurê Kurdistanê di meha Cotmehê de sînorê birçîbûna malbateke 4 kesî gehiştiye 7 hezar û 425 lîreyan û sînorê hejariyê jî 24 hezar û 185 lîreyên Tirkî ye.
Konfederasyona Sendîkayên Karkeran a Tirkiyê ( Turk-Iş) encamên Lêkolîna Sînorê Birçîbûn û Hejariyê yên Cotmeha 2022ê eşkere kir.
Li gor lêkolîna Turk-Işê ku bi armanca şert û mercên debara jiyanê ên karkeran diyar bike û bandora zêdebûna bihayê kelûpelên serekî ên jiyanê li ser malbata bê zanîn hatiyekirin di meha Cotmeha îsal de li Tirkiyê sînorê birçîbûnê bo malbateke 4 kesî gehiştiye 7 hezar û 425 lîreyan ku di sala 2022ê de mûçeyê kêmane 5 hezar û 500 lîre ye û bi vî awayî sînorê birçîbûnê hezar û 925 lîre mûçeyê kêmane derbas kiriye. Meha borî jî sînorê birçîbûnê 7 hezar û 245 lîre bû.
Li gor amarên lêkolînê zêdebûna enflasyona xorakê jî li gor meha borî ji %2,48 û di salekê de jî ji %134.77 e. Herwiha di meha Cotmehê de sînorê hejariyê jî derketiye 24 hezar û 185 lîreyan û xerciya mehane a yek karkerekî jî gehîştiye 9 hezar û 705 lîreyên Tirkî.