Komîserê Ewropî yê berpirsê Rêveberiya Krîzan radigihîne, tê texmîn kirin 7 mîlyon Ukraynî ji ber êrîşa Rûsyayê koçber bibin.
Komîserê Ewropî yê berpirsê Rêveberiya Krîzan Janis Linaric, radigihîne, tê texmîn kirin 7 mîlyon Ukraynî ji ber êrîşa Rûsyayê koçber bibin.
Li gorî Neteweyên Yekbûyî û rayedarên Polandî, ji dema êrîşa Rûsya ya roja Pêncşema borî ve, nêzîkî 368 hezar kes ji ber şerê li Ukraynayê reviyane û zêdetir ji nîvê wan derbasî Polandayê bûne.
Janis Linaric duhî di dawiya civîna wezîrên navxwe yên Ewropa de li Brukselê hişyarî da û got: “Dibe ku em di van salan de, mezintirîn qeyrana mirovahî li parzemîna me ya Ewropayê bibînin.”
Diyar kir jî, ji ber dijwariya şer hîn gelek zehmet e ku meriv texmînên rast bike, lê Netewên Yekgirtî senaryoyekê pêşbînî dike ku ji ber êrîşa Rûsyayê bêtirî ji 7 mîlyon Ukraynî ji welatê xwe koçber bibin.
Got jî, heger şer bidome, di asta mirovahî de dê bandor li nêzîkî 18 milyon kesan dê li Ukrayna û welatên cîran bibe û hejmara koçberan dibe ku bigihe çar mîlyonan.
Li gorî UNHCR, niha zêdetirî 160 hezar kesan di hundurê Ukraynayê de derbider û koçber bûne û zêdetirî 116 hezar Ukraynî jî neçar mane ku birevin welatên cîran.