Wezareta Enerjî û Samanên Sirûştî yên Tirkiyê û Wezîrê Petrolê yê Îraqê radigihînin, divê hinardekirina petrola ji Îraqê bo Tirkiyê di zûtirîn dem de dest pê bike.
Wezîrê Enerjî û Samanên Sirûştî yên Tirkiyê Alparslan Bayraktar û Wezîrê Petrolê yê Îraqê Heyyan Abdulxenî li Enqerê civiyan. Piştî hevdîtinê daxuyaniyeke hevbeş hate belavkir û tê de hat gotin, xeta petrolê ya di navbera wan de ji bo her du welatan girîng e. Ev xeta petrolê piştî erdhejên 6ê Sibatê hatine kontrolkirin û temîrkirin, divê herikîna petrolê di demeke kurt da dest pê bike.
Di daxuyaniya hevpar de hat ragihandin, her du aliyan li ser awayên kûrkirina hevkariyên enerjiyê yên Tirkiye û Iraqê di warên neft û gaz, gaz û elektrîkê, enerjiya nûjen û bikêrhatina enerjiyê de gotûbêj kirine.
Li gorî daxuyaniyê, Wezîrê Enerjiyê yê Tirkiyê û Wezîrê Petrolê yê Iraqê ku her du jî Hevserokên Komîsyona Aborî ya Hevbeş a Tirkiye-Iraqê ne, biryar dan ku di zûtirîn dem de, 19emîn civîna komîsyonê li Bexdayê bê lidarxistin.