Tezkereya ku rê dide arteşa Tirkiyê li Iraq û Sûriyê operasyonan pêk bîne, ji bo dirêjkirina 2 salan bo parlamentoya wî welatî deng li ser hat dayîn. Tezkere bi piraniya dengan hat dirêjkirin.
Îro Sêşemê 26ê Cotmeha 2021ê li Parlamentoya Tirkiyê proje-biryara (Tezkere) Serokatiya Komara Tirkiyê ya derbarê nûkirina mana hêzên artêşa Tirkiyê li Iraq û Sûriyê de dengdan li ser hat kirin.
Tezkere bi piraniya dengan hat qebûlkirin.
AK Partî, MHP û ÎYÎ Partiyê ji bo tezkereyê dengê tezkereyê dengê erê bikar anî.
CHP û HDP li dijî tezkereyê derket.
Li aliyekî din, Mustafa Yeneroglu yekane parlamenterê Partiya Demokrasî û Pêşkevtinê (DEVA) li parlamentoya Tirkiyê ragihad ku wî li ser biryara partiya xwe dengê erê nedaye.
Proje-biryar roja 20ê Cotmeha 2021ê bo Serokatiya Parlamentoya Tirkiyê hatibû pêşkêşkirin. Piştî tezkere yan proje-biryar li Parlamentoya Tirkiyê hat pesendkirin, dema mana hêzên artêşa Tirkiyê li Iraq û Sûriyê bo 2 salên din tê dirêjkirin.
Pêşkêşkirina wê proje-biryarê di demekê de ye ku Serokkomarê Tirkiyê gefa êrîşekê bo ser Rojavayê Kurdistanê dixwe û operasyonên leşkerî yên artêşa Tirkiyê li Başûrê Kurdistanê berdewam in.
Parlamentoya Tirkiyê herwiha roja 19ê Cotmeha 2021ê dema mana hêzên artêşa Tirkiyê li Malî û Komara Efrîqaya Navîn bo dema salekê dirêj kir.