Tirkiyê xaleke Hikûmeta Sûriyê li Amûdê ya Rojavayê Kurdistanê armanc kir û gundê Tewîle jî li Til Temirê topbaran kir.
Li gorî çavkaniyên nêzikî Rêveberiya Xweser ku ji Amûdê belav kirine, li gundê Xerezê li rojavayê bajarê Amûdê yê Rojavayê Kurdistanê, hêzên Tirkiyê bi dronekê xaleke serbazî ya hêzên hikûmeta Sûriyê armanc kirine, di encam de rêya di navbera Amûdê û Dirbêsiyê de bo çûn û hatinê qut bû.
Ji aliyekî din heman çavkaniyan belav kiriye ku Artêşa Tirkiyê û grûpên çekdar gundê Tewîle li rojavayê Til Temirê li ser rêya navdewletî ya M4, topbaran kirine. Zanyaîr derbarê ziyanên herdû êrîşan jî nehatine belavkirin.
Artêşa Tirkiyê duh jî dest bi topbaranên berfireh li gundewarên Qamişlo, Amûdê, Dirbêsiyê, Til Temir, Eyn Îsa, Minbic û Şehba û Şera li herêma Efrînê kir, bi dehan gund topbaran kiribûn.