Artêşa Tirkiyê û grûpên çekdar êrişî gundewarên Til Temirê li Rojavayê Kurdistanê kirin.
Medyaya ser bi Rêveberiya Xweser ve ragihand, şeva borî Artêşa Tirkiyê û grûpên çekdar ên ser bi wê ve, êrîşî gundwarê Til Temirê kirin û hêzên Encûmena Leşkerî ya Til Temirê rûbirûyî wan bûne.
Li gor zanyariyan, Tirkiyê û grûpên çekdar êrîşî gundê Til Leben li başûrê rojavayê Til Temirê li tenişta rêya navdewletî ya M4 kirine û şer û pevçûn çêbûye.
Li gor heman çavkaniyan, di êrîşê de hejmarek çekdarên Tirkiyê û grûpên ser bi wê ve, hatine kuştin û birîndarkirin bê ku amaje bi hejmara wan bike.
Ev êrîşa bejahî ya Tirkiyê û grûpên çekdar tenê piştî çend demjimêran ji ragihandina kontrolkirina zindana Sinaa li Heseke hat.