Tîmeke wezîran a Hikûmeta Herêma Kurdistanê bi mebesta vegera tîma YNKê bo civînên Encûmena Wezîran, serdana Cîgirê Serokwezîr Qubad Talebanî dike.
Serokwezîrê Herêma Kurdistanê Mesrûr Barzanî di civîna vê hefteyê ya Encûmena Wezîran razemendî da ku tîmeke wezîran serdana Cigirê Serokwezîr Qubad Talebanî bike, ji bo vegera tîma YNKê bo civînên Encûmena Wezîran.
Li gor zanyariyên Kurdistan24ê, biryar e roja Yekşemê 16ê Nîsana 2023an tîma wezîran serdana Qubad Talebanî bikin û daxwaz jê bikin ku ew bi xwe û tîma YNKê vegere civînên kabîneyê.