Navenda Nûçeyan- Tîma fûtbolê ya bajarê Cizîrê yê Bakûrê Kurdistanê, Cizrespor, ku di lîga sêyem ya Tirkîyê de dileyîze, ragihand, ew êdî nikarin neheqî û zilma ku ji alîyê federasîyona fûtbolê ya Tirkîyê (TFF) û hekeman ve li wan tê kirin, di lîgê de bimînin, ji ber wê jî bi temamî ji lîgê vedikişin.
Cizresporê daye zanîn ku ji bilî zilm û neheqîyê, rastî reftarên nijadperestane yên hekeman û TFF jî tên ji ber wê jî êdî tehemula wan nemaye û ji lîgê derdikevin.
Tîma Cizrespor, ku sala 1972 hatîye avakirin, di rêza dehem ya lîga sêyem de ye.