Endemekî payebilind ê PDKê dibêje, her çendî guman nîne ku eger hilbijartin bên kirin, dê yekem partî be, lê rûmeta Herêma Kurdistanê û şerê li dijî komployan ji yekembûna partiyê û hemû tiştî girîngtir e.
Nivîskar û endamê PDKê Teyib Zirar, di tora xwe ya civakî Facebookê de belav kiriye, eger hilbijartin bên kirin, dê partî bibe yekem, eger hilbijartin bên kirin, li gel wan hemû destwerdan û hek kirin û sextekariyê, dabeşkirina kursiyan bi ser bazneyan û tomar li gor dilê grubekî dijî Kurdistanê û herwekî din, PDK dê dîsa bibe yekem hêz.
Herwaha aşkera kir: ‘’ Rexmê wan hemî rastiyan, lêbelê bê rûberûbûna plana bê qîmetkirina dezgayên Herêma Kurdistan, hewleke nehîştina rûmeta Herêma Kurdistanê û destwerdanên Dadgeheke bi nav Federalî û binpê kirina destûr û tevahiya planên din, li hemiyan girîngtire.’’
Herwaha dibêje: hewldan bo wê yekê ne ku Kurdistanê radestî çarenivîsekê bikin ku li ser tepsiyeke zêr bê firotin û doza kurdî ji holê rabe û tişta hatî avakirin, bê hilweşandin.
Di dawiyê de jî tekez kir ku ji ber van sedeman beşdarî nekirina PDKê di hilbijartinan de tê wateya ne dana hilbijartinan û rêgirtina li vê komployê û parastina Kurdistanê ye.
BasNews