Tetbîqata serbazî ya hevpar ya Rûsya û Belarusê ya bi navê "Bibiryariya Hevpeymaniya-2022" li nav axa Belarusê dan destpêkirin.
Li gor daxuyaniya Wezareta Berevaniya Rûsyayê, hin leşkerên Hêzên Çekdar ên Belarusê û yekîneyên leşkerî yên Herêma Eskerî ya Rojhilat a Hêzên Çekdar ên Rûsyayê beşdarî tetbîqatê bûn.
Di tetbîqatê de pergalên mûşekan ên parastina asmanî yên S-400 û Pantsir-S û balafira şer a Rus Su-35 tên bikaranîn.
Tetbîqat li ser axa Belarusê li polîgonên Obuz-Lesnovskiy, Osipoviçskiy, Brestskiy, Gojskiy, Domanovskiyê û baregehên leşkerî yên Baranoviç, Luninets, Lida, Maçulişçiyê tên kirin.
Hêzên herdu welatan wê di tetbîqatê de bên kontrolkirin, armanca tetbîqatê ew e ku rê li ber êrîşên derva bên girtin, dijî terorê têkoşîn bê dayîn û berjewendiyên Dewleta Yekitiyê bên parastin.
Tetbîqata ku Serokê Rûsyayê Vladimir Putîn û Serokomarê Belarusê Aleksandr Lukaşenko di çileya 2021ê de biryar dabûn dê heta 20ê sibatê berdewam bike.