Xwenîşandanên şermezarkirina êrîşa moşekên Balistî ya Îranê bo ser Hewlêrê û şehîdkirina welatiyên sivîl li Herêma Kurdistanê berdewam in, îro li Şêxanê û Îdareya Serbixwe ya Germiyanê xwenîşandanên welatiyan ji bo şermezarkirina wê êrîşê hatin kirin.
Di wê xwenîşandanê de, bi bilindkirina wêneyên şehîdên wê êrîşa moşekî û alaya Kurdistanê, welatîyan êrîşa dewleta Îranê şermezar kirin û daxwaza danana sinorekî ji bo destdirêjiyên artêşa Pasdarên Îranê kirin.
Duh roja sêşemî Li Silêmanî, Helebce, Raperîn, Soran û Raniye xwenîşandan li dijî êrîşên Îranê hatin kirin.
Li rojên rabûrî jî li her yêk ji bajêrên Hewlêrê, Dihokê, Zaxo û Akrê û hejmareke bajarokên din yên Herêma Kurdistanê, her weha Kurdên li seranserî dinyayê, xwenîşandanên berfereh li dijî êrîşa Îranê ya li ser Hewlêrê li darxistin û tê de wan ev êrîş bi terorîst, nemirovî û bi bê hincet nav kirin.