Serokwezîrê Herêma Kurdistanê Mesrûr Barzanî Sêyemîn Pêşangeha Navdewletî ya Taybet bi Xanûber û Veberhênanê li Hewlêrê vekir.
Bi amadebûna Serokwezîrê Herêma Kurdistanê Mesrûr Barzanî, îro Sêyemîn Pêşangeha Navdewletî ya Taybet bi Xanûber û Veberhênanê (Invest Expo 2022) dest bi çalakiyên kir.
Pêşangeh 3 rojan berdewam dibe û 180 kompanya ji 12 welatan tê de beşdar in.
Serokwezîr Mesrûr Barzanî di merasîma vekirinê de gotarek pêşkêş kir û tê de ragihand, “Min ji piraniya xwediyên proje û kompanyayan bihîst ku di cibicîkirina projeyan de, wan pişta bi dest û karînên endezyarî yên xwemalî hatine bestin, ji ber vê jî ez kêfxweş bûm.”
Serokwezîr Mesrûr Barzanî amaje bi girîngîpêdana Hikûmeta Herêma Kurdistanê bi sektora avedankirin û nişticihbûnê da û got: “Aramî û ewlehî, bûne sedem ku gelek kes berê xwe bidin Herêma Kurdistanê û lê bi cih bibin.”