Di çarçoveya serdana xwe ya bo Zaxoyê de îro Serokwezîr Mesrûr Barzanî kargeha Silvana ya bo bibazar kirina genimên Cotkarên Kurd vekir.
Di merasîma vekirina kargehê de Serokwezîr gotarek pêşkêş kir û behsa girîngiya vê kargehê û herwiha hevkariyên hikûmeta herêma Kurdistanê yên bo Cotkarên Kurd kir û ragihand ku, hewlên hikûmetê yên bo henarde kirina berhemên Cotkarên Kurd berdewamin û di çarçoveya wan hewldanan de, niha berhemên Cotkarên Kurd bo welatên Erebî û Ewrûpayî têne şandin.
Serokwezîr tekez li ser vê yekê kir ku, ev kargeha han ku, sayiloyek jî têdeye fêdeyeke gelek mezin digehîne abûrî û çandiniya deverê.
Mesrûr Barzanî di beşeke din ji gotara xwe de behsa girîngiya kerta çandiniyê kir û ragihand ku, girîngî dan bi kerta çandiniyê yek ji xalên sereke yên karnameya hikûmetê ye û hikûmet berdewam dibe li ser bihêztir kirina kerta çandiniyê.