Serokê Yekîtiya Alimên Kurdistanê Abdullah Mela Weysî ji bo K24 ê ragihand ku eger di nav civakê de çanda lêborînê pêşde here, wê pêşdeçûn çêbibe. Ebdullah Mela Weysî her weha ji bo PDK ê û YNK ê bang kir ku piştî cejnê her dû partî xwe nêzî hev bikin, pirsgirêkên di navbera xwe de, di rêya lihevkirin û hevdîtinan de çareser bikin. Mela Weysî weha dewam kir:
“Pêwiste terefên siyasî girîngiya cejnê ne weke sloganan têbigihên. Ji ber xetayên xwe, karibin ji hev lêborîna xwe bixwazin û ji xwe re bikin adet ku xetayên xwe li hev rast bikin. Divê em çanda lêborînê pêşde bixin, li ser heman masê karibin fikrên xwe parvebikin û karibin îrada çareseriya pirsgirêkên xwe nîşan bidin. Divê nê jibîrkirin ku berjewendiyên netewî û giştî di ser temamê berjewendiyan de ne.
Temamê xelkê dixwaze terefên siyasî bi taybetî PDK û YNK xwe nêzî hev bikin, bi taybetî divê di hilbijartinên herêma Kurdistanê de werin cem hev.”