Îsal jî li her çar perçeyên Kurdistanê, li Rojhilata Navîn û li çar alîyên cîhanê, di bin nîrên şer, pevçûn, kuştin, wêranî, neheqî, bêedaletî, binpêkêrina mafên neteweyî û mirovî de em pêşewazîya cejna remazanê dikin.
Em hêvî dikin ku, li Bakurê Kurdistanê ev cejn bibe destpêka bidawîanîna şerî, bidestxistina mafên neteweyî, demokratîk û hûnandina hevkarî û tifaqên neteweyî û niştimanî.
Em hêvî dikin ku li Başûrê Kurdistanê, li ser esasê lêxwedîderketin, yekkirin û pêşdebirina destkeftîyên heyî, ev cejn bibe wesîleya lihevkirin û tifaqa neteweyî, niştimanî.
Em hêvî dikin ku li Rojavayê Kurdistanê ev cejn bibe destpêka avakirina îdareyeke hevbeş ya ku ji hemû alîyên kurdan pêkhatî; li Rojhilatê Kurdistanê bibe destpêka tifaqeke mayinde, neteweyî, niştimanî.
Bi hêvîya ku li Rojhilata Navîn û li hemû cîhanê, ev cejn bibe destpêka bidawîanîna şerî, kuştin û wêranîyan; bibe wesîleya bicîhanîna nirxên azadî, demokrasî, edalet, wekhevîyê, mafên netewî û mirovan û nirx û hişmendîya jîngehê.
Li gel hemû êş û xem û keserên gelê me, em cejna misilmanên Kurdistanê û hemû misilmanên cîhanê pîroz dikin.
09.04.2024
Mustafa Ozçelîk
Serokê Giştî yê Partîya Welatparêzên Kurdistanê (PWK)