Serokê Giştî yê Partîya Welatparêzên Kurdistanê (PWK) Mustafa Ozçelîk, ji Sekreterê Giştî yê Hizba Demokrat ya Kurdistana Îranê RMistefa Hicrî re peyama pîrozbahîyê şand.
Rêzdar Kak Mistefa Hicrî,
Sekreterê Giştî yê Hizba Demokrat ya Kurdistana Îranê
Em bi dilxweşî jê agahdarbûn ku 17mîn Kongreya Hizba Demokrat ya Kurdistana Îranê (Kongreya Yekgirtina Demokratan), bi awayekî serkeftî li dar ketîye.
Yekgirtina herdu alîyên Hizba Demokrat û pêkanîna kongreya 17mîn, di doza azadîya Rojhilatê Kurdistanê de destkeftineke neteweyî û niştimanî ye.
Yekgirtina herdu alîyên Hizba Demokrat, ji bo hemû kurdistanîyên li her perçeyên Kurdistanê, di meşa yekgirtina partî û alîyên wek hev û nêzî hev de nimûneyeke hêja û hêvîdar e.
Em hemû rêvebir û endamên HDK Îranê û nûnerên Kongreya 17mîn ji ber vê gava wan ya giranbuha pîroz dikin.
Ez li ser navê xwe û navê hemû endam û rêvbirên partîya me, Partîya Welatparêzên Kurdistanê (PWK), ji bo hilbijartina we weke Sekreterê Giştî yê HDK Îranê, cenabê we pîroz dikim.
Ji cenabê we û ji hemû rêvebirîya nû ya ku di kongreyê de hatîye hilbijartin û ji hemû endam û têkoşerên HDK Îranê re serfirazî û serkeftinê dixwazim.
Li gel rêz û silavên xwe yên birayane.
Mustafa Ozçelîk
Serokê Giştî yê Partîya Welatparêzên Kurdistanê (PWK)