Serokê Giştî yê PAKê Mustafa Ozçelîk, roja 10.07.2022yê, ji ber koça dawî ya welatperwerê Kurd, kurê Serokkomarê Komara Kurdistanê Pêşewa Qazî Mihemed, Serokê Berê yê PAK-Rojhilatê Kurdistanê, kedkarê doza azadîya Kurdistanê, Birêz Elî Qazî Mihemed, bi peywendîyeke telefonî sersaxî ji Serokê PAK-Rojhilat Birêz Husên Yezdanpena ra xwest.
Di peywendîya telefonî da, Birêz Mustafa Ozçelîk, li ser navê xwe û li ser navê hemû rêvebir, endam û alîgirên PAKê, ji malbat û hezkirîyên Birêz Elî Qazî ra, ji Serokê PAK-Rojhilatê Kurdistanê kak Huseyîn Yezdanpena û hemû endam û alîgirên PAK-Rojhilatê Kurdistanê û ji gelê Kurdistanê ra sersaxî xwest.
Birêz Husên Yezdanpena jî spasîya Birêz Mustafa Ozçelîk û hemû endam û alîgirên PAKê kir.
Birêz Husên Yezdanpena di peywendîya telefonî da got dê di derbarê merasîma cenazeyê Birêz Elî Qazî Mihemed da agahdarîyê bidine Birêz Mustafa Ozçelîk û hemû raya giştî ya Kurdistanê.
10.07.2022
Buroya Çapemenî û Ragehandinê ya PAKê