Serokê Giştî yê Partîya Welatparêzên Kurdistanê (PWK) Mustafa Ozçelîk li roja 29.12.2024ê, li Nûneratîya Stenbolê ya PWKyê semînerek li dar xist.
Nûnerên Tevgera Avakirina Demokratî Kurdistanî-Sûrye û Platforma Ciwanên Serbixwe, Serokê Giştî yê HAK-PARê yê berê Latîf Epozdemîr, gelek sîyasetmedar û rewşenbîrên kurd û endamên PWKyê beşdarî semînerê bûn. Beşdarîyeke berbiçav hebû, lê ji ber ku cîh teng bû, gelek kesan li ser pîyan semîner şopandin.
Di destpêka semînerê de, endamê Komîteya Birevebir a Navendî ya PWKyê Kasim Ergun di derbarê armanca semînerê û 13emîn salvegera qetlîama Robozkê de kurte axaftinek kir û ji bo şehîdên Kurdistanê rêz hate girtin.
Paşê, Serokê Giştî yê PWK Mustafa Ozçelîk, di derbarê pêşhateyên vê dawîyê yên li her çar perçeyên Kurdistanê, Tirkîyeyê, Sûrîyeyê de û di derbarê daxuyanîya ku liser navê Abdullah Ocalan hatîye belav kirin de bîr û ray û pêşniyarîyên PWKyê anî zimên.
Piştî axaftina Mustafa Ozçelîk, Nûnerên Tevgera Avakirina Demokratî Kurdistanî-Sûrye Mihemed Elo, Mamoste Mem û Serokê Giştî yê HAK-PARê yê berê Latîf Epozdemîr bîr û rayên xwe anîn zimên.
Semîner di atmosfereke berhemdar de derbas bû.
Buroya Ragehandinê ya Partîya Welatparêzên Kurdistanê (PWK)