Serokê Giştî yê Partîya Welatparêzên Kurdistanê( PWK) Mustafa Ozçelîk, li gel Cîhgirên Serokê Giştî yê PWKyê Mehmet Can Azbay û Vahît Aba, endamê Komîteya Birevebir a Navendî ya PWKyê Mehmet Alî Yilmaz, roja pêncşemê, 22.05.2025, li Amedê seredana DÎTAMê( Navenda Lêkolînên Civakî ya Dîcleyê) kirin.
Serokê DÎTAMê Mesût Azîzoglu, Cîhgirê Serokê DÎTAMê Sedat Yûrtdaş, Cîhgirê Seroka DÎTAMê Meral Ozdemîr pêşewazîya heyeta PWKyê kirin.
Heyeta PWKyê ji ber vê pêşewazîyê spasîya heyeta DÎTAMê kir û di derbarê xebatên PWKyê û doza girtinê ya di derbarê PWKyê de agahdarî da.
Heyeta DÎTAMê jî ji ber vê seredanê spasîya heyeta PWKyê kir û di derbarê xebatên DÎTAMê de agahdarî dan.
Heyetên PWK û DÎTAMê, li ser pêşhateyên vê dawîyê yên li Kurdistanê û Tirkîyeyê de bîr û bawerîyên xwe anîn zimên.
Hevdîtina Heyetên PWK û DÎTAMê di atmosfereke dostane û berhemdar de derbas bû.
22.05.2025
Buroya Ragehandinê ya Partîya Welatparêzên Kurdistanê (PWK)