Serokê Giştî yê PAKê Mustafa Ozçelîk di 76. salvegera darve kirina Pêşewa Qazî Mihemed û hevalên wî û hemû şehîdên Kurdistanê de daxuyanîyek nivîskî weşand.
Peyama Serokê Giştî yê PAKê Mustafa Ozçelîk wiha ye:
Em Pêşewa Qazî Mihemed û hevalên wî bi giramî bi bîr tînin
Serokkomarê Komara Kurdistanê Pêşewa Qazî Mihemed û hevalên xwe di roja 31.03. 1947an de li bajarê Mehabad a Rojhilatê Kurdistanê, li Meydana Çarçirayê , ji alîyê Dewleta Îranê ve hatin darve kirin.
Jiyan, helwest , şexsîyet û wasîyet û parastinnameya li mahkemê ya Pêşewa Qazî Mihemed di eslê xwe de rêbaz û hişmendîya Kurdistanî pêşkêşî me dike.
Wasîyet, parastinname û helwesta Pêşewa Qazî Mihemed ji bo îro jî wazîfeyên me yên netewî û dîrokî nîşanî me didin, di têkoşîna azadîya Kurdistanê de rêya me rohnî dike.
Gelê Kurdistanê dê Pêşewa Qazî Mihemed û şehîdên Kurdistanê ji bîr neke.
Em di 76emîn salvegera darve kirina wan de Pêşewa Qazî Mihemed û hevalên wî û hemû şehîdên Kurdistanê bi giramî bi bîr tînin.
31.03.2023
Mustafa Ozçelîk
Serokê Giştî yê PAKê(Partîya Azadîya Kurdistanê)