Serok Mesûd Barzanî peyamek li ser hilbijartina Serokomarê nû yê Iraqê belav kir û got, “Destûr nehate dayîn ku îradeya gelê Kurdistanê bê paşguhkirin.”
Serok Mesûd Barzanî peyamek li ser hilbijartina Serokomarê nû yê Iraqê belav kir û got, “Destûr nehate dayîn ku îradeya gelê Kurdistanê bê paşguhkirin.”
Serok Barzanî li ser proseya siyasî ya Iraqê û hilbijartina serokomariya Iraqê peyamek belav kir û got, “Ji dema ragihandina encamên hilbijartinan di Cotmeha sala borî de heta niha gelek hewl hatine dayîn ku îrade û mafên gelê Kurdistanê werin binpêkirin û kesekî li derveyî lihevkirin û îradeya gelê Kurdistanê wek serokkomar ferz bikin.”
Di peyamê de hat diyarkirin: “Lê ev hewldan bi ser neketin û destûr nehat dayîn ku îradeya gelê Kurdistanê bê paşguhkirin.”
Serok Barzanî destnîşan kir: “Ji bo me prensîp her tim ji meqam û pile girîngtir e û di dawiyê de jî ev prensîp bi ser ket ku nabe ti kes li ser îradeya gelê Kurdistanê bê ferzkirin û bibe serokomar.”
Serok Mesûd Barzanî di peyama xwe de hêvî kir ku gavên bê yên proseya siyasî ya Iraqê xizmeta berjewendiya Iraqa Federal û Herêma Kurdistanê bike û keşûhewayeke nû jiyana siyasî bigire û dawî li pirsgirêk, asteng û krîzên berê were.”
(K24)