Serok Mesûd Barzanî peyameke sersaxiyê pêşkeşî malbat, kesûkar û hevalên rewşenbîr, nivîskar û wergêrê Kurd Ezîz Gerdî kir ku îro 6ê Hezîrana 2022yan koça dawî kiriye.
Serok Barzanî di peyama xwe de got, “Mamoste Ezîz Gerdî hemû jiyana xwe ya gelek bi berhem, ji bo xizmetkirina rewşenbîriya gelê xwe û pêşxistina kultûra nivîsandin û wergerê terxan kir û stêrkekî geş ê zanist û akademiya gelê Kurdistanê ye, jidestdana wî xisareteke mezin e.”
Peyama sersaxiyê Serok Mesûd Barzanî:
“Bi navê Xwedayê mezin û dilovan
Bi xemgîniyeke mezin ve agahiya koça dawî ya zana, nivîskar û wergêrê Kurd Dr. Ezîz Ehmed Ebdullah ku bi navê Ezîz Gerdî tê nasîn, gihîşte me.
Mamoste Ezîz Gerdî hemû jiyana xwe ya gelek bi berhem, ji bo xizmetkirina rewşenbîriya gelê xwe û pêşxistina kultûra nivîsandin û wergerê terxan kir û stêrkekî geş ê zanist û akademiya gelê Kurdistanê ye, jidestdana wî xisareteke mezin e.
Ez sersaxiyê arasteyî malbat, kesûkar û hevalên rehmetî Ezîz Gerdî û hemû nivîskar û mamosteyên zanîngeh û wêjevan û rewşenbîrên Kurdistanê dikim û ez xwe hevbeşê xema wan dibînim.
Ji Xwedayê mezin daxwaz dikim ku ruhê mamoste Ezîz Gerdî bi bihişta berîn şad bike û sebr û aramî bide her kesî.
Înna Lîllah We Înna Îleyhî Racîûn (Em ji Xweda hatin û em ê dîsa vegerin cem wî)”
Mesûd Barzanî
6ê Hezîrana 2022yan