Li Qamişlo ya Rojavayê Kurdistanê ahenga xelatkirina serkeftiyên Pêşbirka Helbesta Kurdî ya Ciwanan birêve çû.
Pêşbirka Helbesta Kurdî ya Ciwanan ji aliyê Hevgirtina Rewşenbîrên Rojavayê Kurdistanê (HRRK) ve hatibû rêkxistin û encamên wê hatibûn ragihandin.
30 helbestvanên ciwan ji tevahiya herêmên Rojavayê Kurdistanê beşdarî Pêşbirka Helbesta Kurdî ya Ciwanan bibûn ku 3 helbestvanên ciwan xelat wergirtin û helbestvanekî jî xelata komîteya dadweriyê wergirt.
Helbestvan Ahîn Omer xelata yekem bidest xist û 500 dolar wergirt, helbestvan Dilyar Osê xelata duyem bidest xist û 300 dolar wergirt, helbestvan Xecê Îsa jî xelata sêyem bi dest xist û 200 dolar wergirt. Her wiha helbestvan Mehmûd Misto jî xelata komîteya dadweriyê bi dest xist û 100 dolar wergirt.
Pêşbirka Helbesta Kurdî ya Ciwanan girîngîpêdana zimanê Kurdî û pêşxistina wê ji xwe re wek armanc diyar kiriye.
Pêşbirka Helbesta Kurdî ya Ciwanan cara seyem e ku tê lidarxistin.