Li ser sînorê Bakur û Rojhilat winda bûne û heta niha jî ti agahiyek ji wan tune ye.
Sê kolberên xelkê devera Mirgever ya Urmiyê, ev sê roj in li ser sînorê Bakur û Rojhilat winda bûne û heta niha jî ti agahiyek ji wan tune ye.
Pêr 3 kolberên Kurd ên bi navên Barzan Mîhendî, Eshed Seydanîferd û Behlûl Seydanîferd, dema ji gundekî Bakurê Kurdistanê vedigeriyan, li geliyê Bênar pêwendiya wan qut bû û ji wê demê ve heta niha ti agahiyek ji wan tune ye.
Ew kolber xelkê gundê Bawan yê devera Mirgever in. Mirovên wan kolberan û xelkê gund heta niha li wan digerin lê hîn nedîtine.
Tê gotin ku ew kolberên Kurd çûne gundê Gelişêm yê devera Şemzînan ya Bakurê Kurdistanê û piştî ku karên xwe xilas kirine, di vegerê de li geliyê Bênarê li aliyê Rojhilat winda bûne.
Hinek dibêjin îhtimal heye ketibin bin aşûtê ji ber ku li wan deveran her zivistan aşût tê û par jî meha Çileyê, 5 kolberên Rojhilatî li ser sînor ketibûn bin aşûtê û canê xwe ji dest dabûn.