Şandeke Rêveberiya Xweser a li Rojavayê Kurdistanê li Denmarkê bi çend aliyên pêwendîdar re civiya.
Şandeke Rêveberiya Xweser bi serokatiya Ebdulkerîm Omer, bi nûnerê serokê Parlamentoya Denmarkê û endamê Komîteya Peywendiyên Derve ya Parlamentoya Denmarkê Karstên Honge û serokê Komîteya Peywendiyên Derve yê Partiya Sosyal a Denmarkê Serdal Benli re civiya.
Her du aliyan li ser rewşa giştî ya Sûriyê û pêşhatên dawiyê yên nêzîkbûna Hikûmeta Sûriyê û Tirkiyê û hewlên vegerandina Sûriyê bo nav Komkara Erebî gotûbêj kirin.
Hat diyarkirin ku Şanda Rêveberiya Xweser behsa destpêşxeriya Rêveberiya Xweser, gefên Tirkiyê, dosya malbat û girtiyên DAIŞê kiriye.
Her wiha hat destnîşankirin ku şandê daxwaz kiriye ku civaka navdewletî ji aliyên siyasî, aborî, ewlehî û leşkerî alîkariya Rêveberiya Xweser bike.