Şandeke ji Komara Kongoyê hat Herêma Kurdistanê û li Wezareta Elektrîkê ya Herêma Kurdistanê, ligel rayedaran civiya. Hat ragihandin ku şande dixwaze ji ezmûna pîvera zîrek a elektrîka Herêma Kurdistanê sûdê werbigire.
Wezîrê Elektrîkê yê Herêma Kurdistanê Kemal Mihemed ragihand ku îro şandeke ji Komara Kongoyê, ligel rayedarên wezaretê civiyane û ji bo sûdwergirtina ji sîstema pîvera zîrek a elektrîka Herêma Kurdistanê, gugtûgo hatine kirin. Hat ragihandin ku projeya pîvera zîrek, bi rêjeya % 87 li Herêma Kurdistanê hatiye cibicîkirin û heta niha 1 milyon û 250 hezar pîverên zîrek hatine danîn. Kemal Mihemed destnîşan kir ku plana wan ew e, 1 milyon û 400 hezar pîverên zîrek deynin.
Hat ragihandin ku heta niha beşeke mezin a projeyê hatiye cibicîkirin û cihê xweşhaliya wan e ku welatekî wekî Kongoyê ku xwedî 105 milyon rûniştvan e, dixwaze ji ezmûna Wezareta Elektrîkê ya Herêma Kurdistanê sûd werbigire.