Şandeke bilind a Hikûmeta Herêma Kurdistanê ji bo gotûbêjkirina li ser dosyeyên budce û petrol û gazê diçe Bexdayê.
Jêderekî ji Kurdistan24ê re eşkere kir, roja Sêşema bê, 8ê Mijdara 2022yan, şandeke bilind a Hikûmeta Herêma Kurdistanê dê serdana Bexdayê bike û ligel rayedarên hikûmeta Iraqê bicive.
Mijarên sereke yên gotûbêjên navbera şanda Hikûmeta Herêma Kurdistanê û Hikûmeta Federal, pirsa amadekirina budceya sala 2023yan û dosyeya petrol û gazê ye.
Beriya niha Serokwezîrê Iraqê Mihemed Şiya Sûdanî di konferanseke rojnamevanî de ragihandibû, bi cidî kar dikin, da ku beriya hatine betlaneya parlamentoyê, budce were amadekirin.