Hate ragihandin ku şandeke Rojavayê Kurdistanê serdana Swîsreyê kir û bi parlamenterên Swîsreyê re hevdîtin pêk anî.
Şanda ku ji Nûnerê Rêveberiya Xweser ê Ewropayê Ebdulkerîm Umer û Hevseroka Ofîsa Rêveberiya Xweser a Swîsreyê Mîdiya Hesen pêk dihat li Bern a paytexta Swîsreyê, bi hejmarek parlamenter û senatorên Partiya Sosyalîst û Partiya Kesk ên Swîsreyê re hevdîtin pêk anîn.
Ebdulkerîm Umer di hevdîtinê de got ku hemû pêkhate beşdarî birêveberina Rêveberiya Xweser dibin û ji sedî 50yê wan jin in ku Rêveberiya Xweser dixwaze Sûriyeyeke demokratîk û nenavendî ava bike.
Umer ji parlamenterên Swîsreyê re daye zanîn, ew îdiayên ku dibêjin “Rêveberiya Xweser projeyeke cudaxwaziyê ye” ne rast in û bal kişandiye ser ku Tirkiye bi êrîşan dixwaze ezmûna Rêveberiya Xweser ji holê rake.
Hate diyarkirin ku parlamenter û senatorên Swîsreyê piştgiriya xwe bo Rêveberiya Rojava anîne ziman û li dijî êrîşên Tirkiyeyê helwest nîşan dane.