Karmendên saziyên dewletê yên Sûriyê li dijî biryara derxistina ji kar a rêveberiya nû ya Sûriyê nerazîbûn nîşan dan.
Hate ragihandin ku çend roj berê Wezareta Navxwe ya Girêdayî rêveberiya Heyet Tehrîr El-Şam biryar daye ku karmend û leşkerên Rejîma Beas ji kar dûr bikevin û ji nav saziyan derkevin.
Li ser vê biryarê karmendên dewletê li dijî biryara wezareta hundirîn xwepêşandan kirin.
Bi dehan polîs û leşkerên rejîma berê li qada El-Umewiyîn a li Şamê kom bûn û xwepêşandaneke protestoyî li dar xistin.
Karmendan biryara rêveberiya nû red kir û bang li wezaretê kir ku careke din li biryara xwe vegerin û rewşa wan li ber çavan derbas bikin.