Li Firokexaneya Sirrîn a başûrê Kobanî ya Rojavayê Kurdistanê, Rûsya hêzên zêdetir bicîh dike û niha di nava firokexaneyê de çend xalên nû ava kirine û alaya Rûsyayê li ser wan bilind kirine.
Li gorî medyaya nêzikî Rêveberiya Xweser, Rûsyayê li Firokexaneya Sirrîn a başûrê Kobanî hêzên xwe zêdetir bicîh kirine.
Di heman demê de grûpên nêzîkî Îranê li beramberî hêzên Tirkiyê li başûrê Efrînê hatine bicîhkirin û alên xwe li wan gundan bilind kirine.
Li gorî xelkê navçeyê ev çend roj in ku çekdarên ser bi Îranê ve, rêbendan li derdora gundan ava dikin ku derdora 9 km ji bajarokê Nubil û Zehraa dûr in.
Di Cotmeha 2019an de, piştî êrîşa Tirkiyê bo ser Girê Sipî û Serê Kaniyê, hêzên Rûsyayê bi rêkeftin li gel HSDê li Firokexaneya Sirrînê û derdora Kobaniyê bicîh bibûn.