Li Rojavayê Kurdistanê ji ber topbarana berdewam a Tirkiye li ser navçeyên sînorî 22 hezar xwendekar bê xwendin bûne.
Desteya Perwerde û Fêrbûnê ya Rêveberiya Xweser roja 29ê Mijdarê ragihand, li navçeyên Efrîn, Minbic, Kobanî û Cezîrê yên Rojavayê Kurdistanê ji ber topbarana berdewam a Tirkiye li wan navçeyan 22 hezar xwendekar bê xwendin bûne, ku di encama topbarana Tirkiye de 243 dibistan hatinew girtin.
Li herêmên Rêveberiya Xweser, 4 hezar û 700 dibistan ên qonaxên cuda hene. 860 hezar xwendekar li wan dibistan fêr dibin û 42 hezar mamoste û karmend di kerta perwerdeyê de kar dikin.
Rûdaw