Meclisa Gelan a Demokratîk a Rêveberiya Xweseriya Demokratîk a Herêma Bakur û Rojhilatê Sûriyeyê ragihan ku alaya Suriyeyê dê li herêmên xweser were hildan.
Rêveberiya Xweseriya a Rojavayê Kurdistanê ragihand ku “Herêma Bakur û Rojhilatê Sûriyeyê” beşek ji erdîngariya Sûriyeyê ye û niştecihên wê ji pêkhateyên resen ên herêmê ne, lewma biryar dide ku alaya Sûriyeyê li herêmên xweseriyê hilde.
Meclisa Gelan a Demokratîk a Rêveberiya Xweseriya Demokratîk a Herêma Bakur û Rojhilatê Sûriyeyê derbarê vê biryarê daxuyeniyek da.
Daxuyanî wiha ye:
"Bi boneya bidawîhatina serdema zordarî û stemkariyê ya ku rejîma Sûriyeye zêdetirî 60 salî li ser xelkê ferz kiriye û gel ji ber zilm, paşguhkirin û înkarkirinê êş kişandibû, gelê Sûriyeyê serkeftina xwe ya xistina vê rejîma neheq pîroz dike.
“Hêviya rûmet û yekîtiya Sûriyeyê îfade dike”
Ji ber van guherînên dîrokî, alaya serxwebûnê ya bi sê rengên xwe: Kesk, spî, reş û 3 stêrkên sor wekî sembola merheleya nû derdikeve pêş ku hêviya azadî, rûmet û yekîtiya nîştimanî ya gelê Sûriyeyê îfade dike.
Li ser vê bingehê, herêmên Rêveberiya Xweser ên Bakur û Rojhilatê Sûriyeyê beşek ji vê erdîngariya Sûriyeyê ye.
“Dê li hemû kantonên herêmê alaya Sûriyeyê were hildan”
Ji ber ku niştecihên van herêman pêkhateyên resen ên Sûriyeyê ne, Meclisa Gelan a Demokratîk biryara dide ku li tevahî meclis, sazî û rêveberiyên Rêveberiya Xweser ên li hemû kantonên herêmê alaya Sûriyeyê hilde.
Meclisa Gelan a Demokratîk pabendbûna xwe bi nûnertiya daxwazên tevahî pêkhateyên gelê Sûriyeyê û xebata ji bo xurtkirina yekîtiya nîştimanî di çarçoveya Sûriyeya demokratîk de ya li ser bingehên edalet û wekheviyê di navbera hemû pêkhateyan de teqez dike."