Lijneya Tendirûstiyê ya Rêveberiya Xweser diyar kir, li Rojavayê Kurdistanê 3 kesên bi kolerayê ketibûn can dan.
Lijneya Tendirûstiyê ya Rêveberiya Xweser ya Rojavayê Kurdistanê li ser facebookê derbarê nexweşîna kolerayê de daxuyaniyek belav kir û got, 3 kesên ku bi kolerayê ketine can dane û hişyarî da ku nexweşî li Reqa û Dêre Zorê belav bûye.
Herwiha Lijneya Tendirûstiyê ya Rêveberiya Xweser di daxuyaniya xwe de wiha destnîşan kir: “Nexweşiya kolerayê li Reqa û rojhilatê Dêre Zorê zêde belav bûye. Li aliyê din 3 welatiyên ku bi kolerayê ketine can dan. Em bang li rêxistinên navneteweyî bi taybetî Rêxistina Tendirûstiyê ya Cîhanê (WHO) dikin ku ji bo pêşîgirtina li belavbûna nexweşiya kolerayê tevbigerin.”