Wezîrê Navxwe yê Herêma Kurdistanê Rêbar Ehmed bi serdaneke fermî gihîşte Amerîkayê û dê ligel hejmarek hevdîtin û civîn ligel berpirsên Amerîka bike.
Wezîrê navxwe yê Herêma Kurdistanê Rêbar Ehmed îro 11/6/2023 bi serdaneke fermî gehîşte Amerîkayê û ji aliyê Nûnera Hikûmeta Herêma Kurdistanê li Amerîkayê Beyan Samî Ebdulrehman ve hat pêşwazîkirin.
Biryar e Wezîrê Navxwe ligel berpirsên rêveberiya Amerîkayê bicive, ji wan Wezareta Derve, Wezareta Berevaniyê, Wezareta Xezîne, Koşka Spî û her wiha endamên Kongressa Amerîkayê û saziyên din.
Li gorî zanyariyan, Rêbar Ehmed roja 14ê Hezîranê dê li Peymangeha Aştiyê ya Amerîkî gotarekê li ser dawî pêşhatên siyasî, ewlehî û mirovî li Iraq û Herêma Kurdistanê pêşkêş bike.
Nûnera Hikûmeta Herêma Kurdistanê Beyan Samî Abdurrahman ragihand: “Em bi giringî li serdana Wezîrê Navxwe bo Washingtonê dinêrin, ji bo zêdetir pêşxistina têkiliyên bi Amerîkayê re û diyalogeke kûr li ser mijarên ewlekarî, mirovî û siyasî yên ku cihê giringî û berjewendiya herdu aliyan e.”
Kurdistan 24