Cîgirê Wezîrê Berevanî yê Îranê yê berê Elî Reza Ekberî bi tometa sîxuriyê hat darvekirin.
Cîgirê Wezîrê Berevanî yê Îranê yê berê Elî Reza Ekberî bi tometa sîxuriyê hat darvekirin.
Navenda nûçeyên desthilata navendî ya Îranê ragihand, Elî Reza Ekberî ku xwedî nasnameya Îranî û Brîtanî bû, bi tawana sîxurîkirina bo Brîtanyay û tevgerên wî yên li dijî asayîşa niştimanî ya Îranê, hat darvekirin.
Wezareta Îtilaatê ya Îranê ragihandiye, Elî Reza Ekberî ku beriya xanenişînbûnê, çend sal Cîgirê Wezîrê Berevanî û demekê jî Şêwirmendê Desteya Danûstankar a Îranê di danûstandinên atomî de bû, zêdetirî 9 salan ji bo dezgeha îstixbaratê ya Brîtanyayê sîxurî kiriye.
Elî Reza Ekberî di dema desthilatdariya reformxwazên Îranê de Cîgirê Elî Şemxanî, Wezîrê Berevanî yê wê demê yê Îranê bû û demek jî wek Şêwirmendê Desteya Danûstankar a Îranê, di danûstandinên atomî de beşdar bû.