Piştî serdana Şamê, Raportera Taybet a Neteweyên Yekbûyî Alena Douhan, got ew dixwaze sizayên li ser Sûriyê demildest bên rakirin.
Raportera Taybet a Neteweyên Yekbûyî Alena Douhan ji bo amadekirina raportekê derbarê bandora rêkarên yekalî li ser mafên mirovan daxwaz kir ku sizayên li Sûriyê bên rakirin.
Piştî serdaneke ji bo Şamê ku 12 rojan dirêj kiribû, di konfranseke çapemeniyê de, Alena Douhan got: “Di sersiya rewşa mirovî ya karestbar de ku roj bi roj kambaxtir dibe, û 12 milyon Sûrî derdê nebûna ewlehiya xwarinê dikişînin, ez daxwaza rakirina demildest a tevahiya sizayên yekalî didim ku ziyaneke mezin digihînin mafên mirov û rêgiriyê li hewlên çakbûna bilez û bînasazî û avakirinê dikin.”
Derbarê vê mijarê de, parlemanterê Sûrî Dr. Ebdulrehman Xelîl ji bernameya Çavê Sêyem a radioya Rûdawê re got, hejarên Sûriyê baca van sizayan didin.
Derbarê heman mijarê de, Nîzar Mûsa endamê Komîteya siyasî ya partiya Yekîtî ku beşek ji ENKS û Îtîlafa opozisyonê ye, got ku armanc ji van sizayan fişar e li ser rejîma Sûriyê ye.
Alena Douhan ku ne karmenda Neteweyên Yekbûyî ya û nûneratiya helwesta rêxistina navdewletî nake, dê raporekê li ser rewşa mirovî û bandora sizayan amade bike. Biryar e ku Îlona sala 2023yê raporta xwe pêşkêş bike.