Komeleya HEZKURDê roja 09.02.2025ê, li Bajarê Stenbolê, li navçeya Esenyûrtê, bi çalakîyekê bangî malbatên kurdan kir da ku dersa bijarte ya kurdî (kurmancî, kirmanckî/zazakî) hilbijêrin.
Çalakîya HEZKURdê li Qada li ber Şaredarîya Esenyûrtê li dar ket.
Li gel Rêvebir û endamên HEZKURDê, endamê Komîteya Birevebir a Navendî ya Partîya Welatparêzên Kurdistanê (PWK) Kasim Ergun, Nûnerê Stenbolê yê PWKyê Cengîz Gungor û rêvebirên PWKyê yên Stenbolê, Serokê Weqfa Îsmaîl Beşîkçî Îbrahîm Gurbuz û Hunermend Kazo beşdarî vê çalakîyê bûn, piştgirî dan banga ji bo hilbijartina dersa bijarte ya kurdî.
Di destpêka çalakîyê de,Serokê HEZKURDê Suphî Ozgen bal kişand ser, girîngîya perwerde û fermîbûna zimanê kurdî û bangî malbatên kurdan kir ku zarokên xwe di dersa ya kurdî (kurmancî, kirmanckî/zazakî) de keyd bikin.
Paşê endam û rêvebirên HEZKURD û PWKyê li qadê broşurên di derbarê di dersa ya kurdî de belav kirin.
Rêvebirê PWKyê Kasim Ergun jî, ji telewîzyonên ku beşdarî çalakîyê bibûn re, girîngîya dersa bijarte ya kurdî anî zimên û got ‘’Dewleta Tirkîyeyê divê perwerdeya bi zimanê kurdî û li gel tirkî, fermîbûna zimanê kurdî kurdî jî qebûl bike û di Qanûna Bingehîna Trikîyeyê de van mafan bicîh bike’’.
Çalakî bi awayekî serkeftî bi dawî hat. Gelê li qadê pêşewazîyeke germ li vê çalakîyê kirin.
09.02.2025
Buroya Ragehandinê ya Partîya Welatparêzên Kurdistanê (PWK)