Buroya Ragehandinê ya Partîya Welatparêzên Kurdistanê (PWK):
Lîstikvanê kurd, Bavê Teyar, di êrîşa Dewleta Tirkîyeyê de şehîd ket!
Şanoger û lîstikvanê kurd Cûma Xelîl Îbrahîmê ku wekî Bavê Teyar tê naskirin, di bombebarana DewletaTirkiyeyê de şehîd ket.
Dewleta Tirkiye dîsa bi dron, topbaran û balafirên şer Rojavayê Kurdistanê bombebaran dike. Balafirên Dewleta Tirkiyeyê roja 18.01.2025ê, careke din, sivîlên ku ji bo çûbûn Bendava Tişrînê bombebaran kirin. Di encama bombebaranê de 4 sivîlan canê xwe ji dest dan û 15 sivîl jî birîndar bûn.
Şanoger û lîstikvanê kurd Cûma Xelîl Îbrahîm ê ku wekî Bavê Teyar tê naskirin jî di vê êrişê de birîndar bibû.
Tîmên tenduristîyê, Bavê Teyar û birîndarên din ji bo dermankirinê gîhandibûn nexweşxaneyê. Lê mixabin, Bavê Teyar îro li nexweşxaneyê şehîd ket.
Em van êrîşên Dewleta Tirkiyeyê şermezar dikin û carek din bangî wê dikin ku dev ji van êrîşên xwe berdin!
Ruhê Bavê Teyar û hemû şehîdan şad, cîhê wan biheşt be.
Em ji malbata Bavê Teyar û hemû şehîdên di van êrîşan de canê xwe ji dest dane û ji gelê xwe re sersaxîyê, ji birîndaran re jî şîfaya xêrê dixwazin.
19.01.2025
Buroya Ragehandinê ya Partîya Welatparêzên Kurdistanê (PWK)