PWK-Hollanda serdana PDK-Hollanda kir
Îro 05.07.2024 Partîya Welatparêzên Kurdistanê-Rêxistina Holanda (PWK), Serdana Rêxistina Partîya Demokrat a Kurdistanê (PDK) ya Holanda kir.
Heyeta PWKê ku ji M.Baran Boskan serokê rêxistina PWK Ewropa, Ferhat Boskan berpirsê PWK-rêxistina Holanda, Xidir Ûso endamê Meclîsa PWKê, Brûsk endamê Komîta Holanda pêkdihat, li Amsterdam serdana rêxistina PDK-Holanda kir.
Heyeta ji rêvebirên PDK rêxistina Holanda Peşrew Hesen, Alî Hirorî, Sasan Derwêş, Ala Anberxan û Abdulqehar Hawlêrî pêkdihat, pêşwazîyek germ li heyeta PWK-Holanda kir.
Her du alî, li ser gelek mijarên pêwendîdar yên welat û Ewropa sohbet kirin. Bi taybetî rewşa pêwendîyên her du partîyan li Holanda, rewşa Kurdên li vê devêrê dijîn, xebatên dîyaspora Kurd; xebatên çandî û bi giştî pêwendîyên civata Kurdan axifîn.
Serdan bi danûsatandinên bi berhem û hêvîya seredanên bi vî rengî bi dawî bû.
PWK rêxistina Holanda