Buroya Ragehandinê ya Partîya Welatparêzên Kurdistanê (PWK):
Em qetlîama ku 50 sal berê li Qeledizê hatîye kirin rûreş dikin
Îro 50emîn salvegera bombebarana ku li navçeya Qeladizê ya Başûrê Kurdistanê hatîye kirin e.
Roja 24ê Nîsana 1974ê balefirên şer û artêşa rejîma Beasê ya Iraqê, bi çekên fosfor û bombeyên napalmê, mamoste, xwandevanên zankoyê, gel û pêşmerge li Qeladizê bombebaran kirin û di encamê de 163 mamoste, xwandevan, hemwelatî û pêşmerge şehîd ketin û zêdetir ji 250 kesî jî birîndar bûn.
Em di 50emîn salvegera vê qetlîamê de, qatilan rûreş dikin, şehîdên vê qetlîamê bi rêzdarî bi bîr tînin.
24.04.2024
Buroya Ragehandinê ya Partîya Welatparêzên Kurdistanê (PWK)